https://afropedia.world/index.php?action=history&feed=atom&title=The_Monkey_and_the_Lion%27s_BreathThe Monkey and the Lion's Breath - Revision history2026-05-06T02:50:59ZRevision history for this page on the wikiMediaWiki 1.45.1https://afropedia.world/index.php?title=The_Monkey_and_the_Lion%27s_Breath&diff=6633&oldid=previmported>Kofi: 1 revision2011-03-09T15:23:25Z<p>1 revision</p>
<p><b>New page</b></p><div>{{header2<br />
| title = The Monkey and the Lion's Breath<br />
| author = Aesop<br />
| section = <br />
| previous = [[Aesop's Fables]]<br />
| next = <br />
| notes = Translated by [[Author:William Caxton|William Caxton]] (1484)<br />
}}<br />
<br />
'''Of the fallace of the lyon / And of his conuersacion<br />
<br />
To conuerse with folke of euylle lyf is a thyng moche peryllous / And only to speke with them letteth moch other / As this fable reherceth of a lyon ryght strong and ryght myghty / the whiche made hym self kynge for to haue grete renommee and glorye / And fro thenne forthon he beganne to chaunge his condycions and customme shewyng hym self curtois / and swore that he shold hurte no bestes / but shold kepe them ageynst euery one / And of this promesse he repented hym by cause hit is moche dyffycyle and hard to chaunge his owne kynd / And therfore whanne he was angry / he lad with hym somme smalle beestes in to a secrete place for to ete and deceyue them / And demaunded of them / yf his mouthe stanke or not / And they that sayd that it stanke or not were al saued / And alle they the whiche ansuerd not he kylled / & deuoured them al / It happed that he demaunded of the Ape / yf his mouthe stanke or not / And thape sayd no but that hit smelleth lyke bame / And thenne the lyon had shame to slee the ape / but he fond a grete falsheed for to put hym to dethe / He fayned to be seke and commaunded that al his leches & Cyrurgyens shold anone come vnto hym / whan they were come / he commaunded them to loke hys vryne / And whan they had sene hit / they sayd to hym / Syre ye shalle soone be hole / but ye must ete lyght metes / And by cause that ye be kynge / alle is at your commaundement / And the lyon ansuerd Allas Ryght fayne I wold ete of an Ape / Certaynly sayd the medecyn that same is good mete / Thenne was the Ape sente for And not withstondyng that he worshipfully spak & ansuerd to the kynge / the kynge made hym to deye / and deuoured hym<br />
<br />
''Therfore hit is peryllous and harmeful to be in the felauship of a Tyraunt / For be hit euylle or good he wylle ete and deuoure euery thynge / And wel happy is he / that may escape fro his blody handes / And that may eschewe and flee the felauship of the euyll tyraunts</div>imported>Kofi